“Origjina dhe Artizanati” – Dialog mes traditës dhe mjeshtërisë

Aktiviteti “Origjina dhe Artizanati” zhvillohet në tri forma paralele, duke sjellë në vëmendje trashëgiminë etnografike dhe artizanale.
Së pari, aktiviteti shtrihet online, ku çdo ditë publikohen objekte etnografike dhe punime dore nga fondi muzeal i MKAM. Paralelisht, në hapësirat e muzeut çelet një ekspozitë me objekte etnografike të përzgjedhura nga fondi muzeal, si dhe një ekspozitë e veçantë me punë të përzgjedhura nga një artizan.
Aktiviteti shoqërohet edhe me punëtori të ndryshme, ku vizitorët njihen nga afër me procesin krijues dhe teknikën e punës artizanale.